ACMIL Antsirabe

nandritra ny telo taona tao amin'ny Akademy Miaramila Antsirabe (Acmil) indray no navoaka tamin'ny fomba ofisialy omaly nandritra ny lanonana ara-miaramila Fandresena 2023. Amiraly Didier Ratsiraka no anarana nisaloran'ireto andiany mivantana faha- 44 ireto. Andraikitra goavana sy masina no nanoloran'izy ireo tena, hanatevin-daharana ny Foloalindahy ary indrindra hanamafy ny velirano voalohany napetraky ny Filoham-pirenena. Handray anjara amin'ny fandriampahalemana, hiaro ny fiandrianam-pirenena ireo manam-boninahitra ireo ary tokony ho maodely hatrany hoy ny Filoham-pirenena ho andry iankinan'ny fampandrosoan'i Madagasikara. Lanonana famindrana sabatra, famindrana faneva, fametrahana galona sy fitsofan-drano ny andiany mivantana faha-46 miaraka amin'ny andiany manokana faha-26 izay nofaranana tamin'ny matso.Foto-drafitrasa maro tao amin'ny sekoly no nasim-panavaozana ary notokanana ihany koa tamin’ity andron’ny omaly ity.Nanome voninahitra sy nanotrona ny Filoham-pirenena Andry Rajoelina sady Filoha faratampon'ny Foloalidahy sy Ramatoa vadiny ireo mpikambana eo anivon'ny Governemanta ary ireo manam-pahefana any an-toerana.
Nangonin’i Pati