Raha ny naminavinan’ny sampana mpamantatra ny toetry ny andro azy moa dia tafidina hatrany amin’ny 2 degre selsiosa izany tany Antsirabe tany. 5 degre selsiosa ny tao Ambositra ary 6 degre selsiosa ny teto Antananarivo. Maro ireo milaza fa tafiditra ao anatin’ilay tranga na «phénomène» antsoina hoe «Ophélie» na fanalaviran’ny masoandro ny tany no mahatonga izao hatsiaka be tsy zaka anaty ririnina izao ary misy milaza ihany koa fa tsy hifarana izany raha tsy any amin’ny volana aogositra any. Raha ny nambaran’ireo manam-pahaizana momba ny astronomia kosa dia tranga mandalo isan-taona io ary tsy marina ny filazana fa misy fiantraikany amin’ny fivoaran’ireo zava-maniry izany. Tsy azo lavina kosa nefa ny hoe misy ifandraisany amin’ny fahasimban’ny tontolo iainana vokatry ny fanimbana ny ala toy ny fanapahana hazo, doro tanety, tevy ala io fiovaovan’ny toetr’andro amin’izao na fikorontanan’izany toetr’andro izany amin’izao io. Isan’ny miteraka izay fahapotehan’ny tontolo iainana izay ihany koa ny fampiasana ireo akora sy entona manimba sosona ozonina toy ny setroka fiara efa simba na fandoroana akora manimba fahasalamana samihafa. Tsiahivina fa vao herinandro lasa teo izay moa no nahatrarana mponina hatramin’ny zaza amam-behivavy efa miditra amin’ny fandraisana anjara amin’ny fanimbana ny ala tao amin’iny faritr’i Moramanga iny, raha ny tatitry ny Conservation international Madagascar.
J. Mirija
Manamafy ny Fanjakana fa tsy mahasehaka ny saran’ny famokarana ny saran’ny famarotana ny angovon’ny Jirama,
Tsy ny famatsian-drano avy amin’ny JIRAMA na Jiro sy rano malagasy ihany amin’izao fotoana
Mahazo vahana tanteraka ny asa fivarotan-tena eto amintsika. Ankoatra ny amin’ny tambajotran-tserasera Facebook
Nitondra fampahatsiahivana ny Biraon’ny Holafitry ny mpanao gazety eto Madagasikara na ny OJM
Raha tiantsika hiarina i Antananarivo dia jereo izay olona tsy nanao kolikoly, hoy ny mpanabe
Lasibatra indray ny mpanao gazety maro omaly, raha saika hanangom-baovao nandritra