Nasehon’ireo mpianatry ny Ecole de Coupe et Couture Volana izany ny faran’ny herinandro teo raha toraka izany koa ireo didin’akanjo vaovao mifanaraka amin’ny toe-batan’ilay vehivavy hampakarina sy ny taonany. Miisa 220 mianadahy izy ireo no nampiranty izany asa tanany izany narahina filatroana. Ankoatra ny lamba dia nasehon’izy ireo tamin’ny alalan’ny legioma narafitra ihany koa ny fitafiana nanaovany izay tena nahavariana sy nahasodoka ny maro tokoa. Marihina moa fa mpianatry ny Eccova vao navoaka izy ireo rehefa nianatra momba ny zaitra amam-bolana maro ary niatrika ny fanadinam-panjakana. Nampiavaka ity andiany ity ny fisian’ireo lehilahy maromaro izay niofana sy nandray anjara tamin’izany ihany koa, andiany faha-32. Nampianarina momba ny fanjairana kiraro sy poketra ihany koa izy ireo, ny decoration interieure ankoatra ny resaka lamaody mahazatra. Mbola hitety faritra maro hamoaka mpianatra moa Ramatoa Razanamanalina Volana filoha tale jeneraliny mandritra ity volana desambra ity ka anisan’izany ny ao Fianarantsoa izay nahitana mpianatra 2 tsy afaka.
Pati
Legende : Nandritra ny fitsidihana ny sangan’asan’ireo mpianatra
Manodidina my 60 000 MW isan'andro no tsy ampy amin'ny vokatra herinaratra ho an'Antananarivo sy ny manodidina
Na tiana na tsy tiana dia azo bangoina amin’ny hoe ny fanarenana ny toekarena sy sosialy eto amin’ny
Azo lazaina ho mijanona ho fanadroadroana hatreto ny teny filamatr’izao fitondram-panjakana
Ampio lasary kely!» ohatran’ny hiran’i Samoela ity dia efa izy, hoy ny zatovolahy iray,
Ho an'ny fianakaviana sasany dia mety mbola hiitatra hatrany amin'ny herinandro voalohany
Na an-davan’andro, indrindra, tao anatin’ny fetin’ny noely sy faran’ny taona farany teo,
