Raha tsiahivina dia nohavaozina tanteraka ity foto-drafitrasa ity nandritra ny 2 taona. Vola mitentina 2 miliara Ar no lany tamin’izany. Ankehitriny ahitana bungalow miisa 20 ao anatiny, miampy toerana fanaovana fanatanjahatena, toerana fanaovana fety ary dobo filomanosana. Hetsika ara-javakanto sy fanentanana ary lalao maro no nentina nanamarihana ny fisokafan’ity ivon-toerana ity, notarihan'ny filohan’ny repoblika Andry Rajoelina. Anisan’ny tena goavana ilay afon-dasy lehibe niarahana tamin'ny mpanakanto Mr Sayda, Raboussa, Samoela …. Marihina moa fa hitondra tombontsoa betsaka ho an’ny mponina ao Ampangabe, kaominina Ambalavao , ny fisokafan’ity ivon-toerana ity indrindra fa eo amin’ny resaka fihariana. Mety tsy haharaka indray mantsy izy ireo amin’ny resaka asa tanana sy fivarotana zana-boankazo…. Ho an’ny Filohan’ny Repoblika manokana moa dia fantatra fa hananganany lisea manara-penitra ny ao amin’ny kaominina ambanivohitra Ambavalavao hanampiana ny mpianatra. Hampitomboina ihany koa hoy izy ny vola fanampiana ho an’ny kaominina avy amin'ny fanjakana, indrindra fa ho an’ireo tena miasa hanatsarana ny fari-piainan’ny mponina amin’ny andavanandro.
Pati
Manodidina my 60 000 MW isan'andro no tsy ampy amin'ny vokatra herinaratra ho an'Antananarivo sy ny manodidina
Na tiana na tsy tiana dia azo bangoina amin’ny hoe ny fanarenana ny toekarena sy sosialy eto amin’ny
Azo lazaina ho mijanona ho fanadroadroana hatreto ny teny filamatr’izao fitondram-panjakana
Ampio lasary kely!» ohatran’ny hiran’i Samoela ity dia efa izy, hoy ny zatovolahy iray,
Ho an'ny fianakaviana sasany dia mety mbola hiitatra hatrany amin'ny herinandro voalohany
Na an-davan’andro, indrindra, tao anatin’ny fetin’ny noely sy faran’ny taona farany teo,
