resaka nifanaovana tamin’ny mpivarotra iray tetsy Analakely. Ny mpanontany no betsaka hoy izy na dia efa hanomboka anio Alakamisy 06 Jona aza ny fananganan-tsaina amim-pomba ofisialy manerana ny Nosy. Etsy an-danin’izay nahitana fiakarany ihany koa ny vidin’ny sainam-pirenena. Raha 3.000 Ar ireo kely indrindra tamin’ny taon-dasa dia niakatra ho 5.000 Ar izany amin’izao. 30.000 Ar kosa no lafo indrindra miankina amin’ny habeny sy ny kalitaon’ilay lamba. Taratry ny fahasahiranan’ny Malagasy avokoa izany rehetra izany. Mbola ny sakafo hohanina isan’andro mantsy aloha no mahamaika ny rehetra amin’izao fa ny ankoatra izay dia mbola afaka miandry avokoa. Tsiahivina fa efa ho iray volana izao no hita teny an-tsena ny sainam-pirenena. Mbola mikaikaika hatrany ireo mpivarotra hatreto, tranga izay ahiana hitohy noho ny fahasorenan’ny vahoaka amin’izao fitondrana mijoro izao.
Pati
Legende : Jerem-potsiny aloha ny sainam-pirenena hatreto eny an-tsena !
Nitroatra nidina an-dalambe indray ny vahoaka teny Ambohipo omaly takariva.
.jpeg)
Mafy ny mahazo ireo mpifindra monina nalan’ny tompon’andraikitra tao amin’ny Faritra Menabe
Nitrangana toe-javatra mampalahelo tany Ankadilalana, Fokontany Mahazoarivo,
