Raha 90 Mw mantsy ny herinaratra novokarin’ireo milina mpamokatra herinaratra ao Andekalela teo taloha dia mety ho tafakatra hatrany amin’ny 120 Mw izany manomboka izao, indrindra taorian’ny nametrahana ilay G2. Efa vita afak’omaly folakandro ny dingana rehetra hampiodinana ilay milina G2, hoy ny vaovao. Toraka izany koa ny fametrahana ilay fitaovana mpamokatra herinaratra fahaefatra. Ho an’ny teny amin’iny Faritra Itaosy iny dia tsy tapaka mihitsy ny jiro omaly tontolo andro fa mba afaka niasa tamim-pilaminana avokoa ny rehetra. Na izany aza mbola nisy faritra vitsivitsy voakasika ihany teto an-drenivohitra. Ny hany mampitaraina ny isan-tokantrano sisa dia ny tokony hijeren’ny JIRAMA akaiky ny vidin-jiro izay tsy mitsaha-midangana raha tena marina fa tsy hisy intsony ny delestazy. Na dia efa novaina aza mantsy ny ankamaroan’ireo fitaovana hampiasaina ao an-tokantrano dia tsy miova mihitsy ny vidin-jiro. Lohalaharana amin’ireny ny takamoa izay efa ezahin’ny isan-tokantrano hatao amin’ilay mitsitsy. Efa hahena ihany koa ireo fitaovana mila herinaratra miasa ao an-tokantrano saingy mbola ny eo ihany no eo.
Pati
Legende : Mampanantena jiro tsy tapaka intsony ny JIRAMA manomboka izao
Manodidina my 60 000 MW isan'andro no tsy ampy amin'ny vokatra herinaratra ho an'Antananarivo sy ny manodidina
Na tiana na tsy tiana dia azo bangoina amin’ny hoe ny fanarenana ny toekarena sy sosialy eto amin’ny
Azo lazaina ho mijanona ho fanadroadroana hatreto ny teny filamatr’izao fitondram-panjakana
Ampio lasary kely!» ohatran’ny hiran’i Samoela ity dia efa izy, hoy ny zatovolahy iray,
Ho an'ny fianakaviana sasany dia mety mbola hiitatra hatrany amin'ny herinandro voalohany
Na an-davan’andro, indrindra, tao anatin’ny fetin’ny noely sy faran’ny taona farany teo,
