ANTSIRANANA

Tsy mahalala zanaka sy tsy zanaka intsony fa rehefa vehivavy dia mety avokoa ho an’ireo lehilahy efa maty fanahy teren’ny filan-dratsiny. Zazavavy kely iray vao 17 taona monja no fantatra fa nanamparan’ny Rainy ny filan-dratsiny tao Antsiranana, andro vitsivitsy lasa izay. Nisy ny fitarainana voarain’ny Polisim-pirenena ao amin'ny CSP1 Tanambao V momba izany ka nosamborina avy hatrany ity raim-pianakaviana ity afak’omaly Sabotsy 17 Febroary. Efa mandeha ny famotorana sy fanafihadiana hatramin’ny omaly nahazoana ny vaovao. Raha araka ny loharanom-baovao azo moa dia simba mihitsy ilay zazavavy kely ary ahiana hamoy fo ka mila tohana ara-tsaina goavana sy fandraisana an-tanana maika.
Pati
Legende : Ity ilay Ray nahavanon-doza !