BRICKAVILLE

Raha ny vaovao miely mantsy dia toa niverina indray ilay biby tsy fantatra nihinana biby fiompy sy nandrangotra olona tany an-toerana ka nahatorana ity farany.Ny harivan'ny 04 Jona lasa teo dia omby lahy mbola vatony no maty nohanin’ny biby tsy fantatra tao antampon'i Mahefa Fokontany Maromby,Kaominina ambanivohitr’i Mahatsara, raha ny fitarainana voarain’ny mpitandro ny filaminana.Tsy hita intsony ny lelan’io omby io sy ny fitaovam-pananahiny ary hita miparitaka teo akaiky ny rany. Mitovy tamin'ny tranga izay efa niseho volana vitsivitsy lasa tao anatin'ny faritra Distrikan’i Brickaville ity tranga ity hoy ny mponina ka efa mandeha ny fanentanana rehetra amin’izao mba hanara-maso ny biby fiompiny sy hanome vaovao ara-potoana ny tompon'andraikitra sy ny mpitandro ny filaminana raha sanatria misy trangan-javatra hafahafa.
Pati
Legende : Tahaka izao ny nanjo ilay omby lahikely mbola vatony !