Dr Geneviève Ramakavelo

sady mpampianatra mpikaroka, Dr Geneviève Ramakavelo. Jereo sao dia mbola kolikoly no ataony, hoy izy, rehefa manao propagandy. Jereo izay tsy manao kolikoly. Hifidy no ataonao nefa tsy ataony akory izay lazainy. Tsy nobeazina hiheritreritra momba ny zava-misy isika malagasy fa nobeazina nomena. Izay no tamin’ny fanjanahantany dia mbola mitohy hatramin’izao. Manipitsipy foana ny olona. Omeko an’ity ianareo dia ataovy izao! Omena foana fa tsy nobeazina hanome. Tokony hiova amin’izay izany izao. Mila manome ho an’ny firenenao ianao! Raha hifidy eto Antananarivo ianao dia manome ho an’Antananarivo. Amin’ny fomba samihafa no hanomezanao. Izay fanabeazana tsy nampianatra ny malagasy hanome sy hijery ny hafa izay no mahatonga antsika ohatran’izao. Izao isika samy sahirana daholo amin’ny jiro sy ny rano. Atao fotsiny izay hijanonana eo amin’ny toerana sy manafosafo ny zava-drehetra mba hipetrahana eo. Ny kolikoly dia mbola fitaizana hoe ahoana no hahatafavoaka ahy fa tsy mijery ny hafa? Raha mba samy te ho tafavoaka dia aoka izay ny fanabadoana ny sasany! Ilay heritreretina hoe tolorana dia iny fa manaraka an’izay tianao rehetra, aoka izay! Mila mifoha mijery ny zava-misy sy mba miheritreritra ny malagasy. Mahay miheritreritra daholo isika rehetra fa aoka izay, hoy hatrany ny tenany!
J. Mirija