Anisan’ireny ny fanimbana fananam-bahoaka toy ny fandoroana vola. Ny sandan’izy ireny fotsiny mantsy no an’ilay tompom-bola na ohatrinona na ohatrinona raha araka ny fanazavan’ny zandarimariam-pirenena fa ilay ravim-bola kosa dia fananana iombonana. Voararan’ny lalana araka izany ny fandoroana azy ireny na inona na inona no mety ho ao ambadik’izany. Voatery nosamborina omaly ary natao fanadihadiana ao Andapa noho izany ilay tovovavy nanaparitaka horonan-tsary mandoro vola tato anaty tambajotram-pifandraisana facebook tamin’ny faran’ny herinandro teo. Andrasana araka izany izay mety ho tohin’ny raharaha. Raha araka ny fantatra moa dia tsy misy tanjona loatra ity fihetsika ity fa fitiavana te-hiavaka amin’ny hafa fotsiny ihany no sady te-haneho ihany koa fa mahavita mandoro vola ilay olona satria manana betsaka na dia sarotra aza ny fiainana.
Raha ny fampahafantarana navoakan’ny zandarimariam-pirenena omaly takariva, dia efa voasambotra ilay tovovavy isan’ny namoaka sary naneho fandorana vola tamin’ny tambajotran-tserasera, izay heverina fa mety ho henjana ny sazy miandry azy. Mila tandremana hatrany ny fihetsika indrindra fa ity resaka « challenge » amin’ny facebook ity satria mety hampidi-doza raha raisina amin’izao.
Nangonin’i Pati
Legende : Ity ilay tovovavy nanao ilay fihetsika !
Manamafy ny Fanjakana fa tsy mahasehaka ny saran’ny famokarana ny saran’ny famarotana ny angovon’ny Jirama,
Tsy ny famatsian-drano avy amin’ny JIRAMA na Jiro sy rano malagasy ihany amin’izao fotoana
Mahazo vahana tanteraka ny asa fivarotan-tena eto amintsika. Ankoatra ny amin’ny tambajotran-tserasera Facebook
Nitondra fampahatsiahivana ny Biraon’ny Holafitry ny mpanao gazety eto Madagasikara na ny OJM
Raha tiantsika hiarina i Antananarivo dia jereo izay olona tsy nanao kolikoly, hoy ny mpanabe
Lasibatra indray ny mpanao gazety maro omaly, raha saika hanangom-baovao nandritra