Fanorenana tsy ara-dalàna, tondra-drano,…

politikan’ny fitondràna ankehitriny na ny IRMAR, Harilala Ramanantsoa, no lany ho ben’ny tanàna vaovao eto Antananarivo renivohitra. Mpandraharaha izay azo lazaina ho efa ela naniriana izay toerana maha vehivavy voalohan’Iarivo izay ihany moa ny tenany, raha ny dingana nidirany teo amin’ny politika no iverenana satria dia isan’ireo efa nifaninana haka izany toerana izany koa ny tenany ny taona 2015 saingy tsy lany. Voatendry ho filohan’ny delegasionina manokàn’ny tanànan’Antananarivo ihany nefa izy taty aoriana, 2 volana nialohan’ny nametrahany ny antotan-taratasy filatsahan-kofidiana tamin’ity kaominaly 2024 ity. Raha ny fandaharam-potoanan’ny CENI na ny vaomieram-pirenena mahaleotena misahana ny fifidianana moa dia ny 24 desambra izao no hamoahan’izy ireo ny vokatra vonjimaika mikasika izay fifidianana ben’ny tanàna sy mpanolontsain’ny tanàna manerana an’i Madagasikara izay. Vokatra izay sarotra inoana ho mbola hisy fiovàna goavana, raha ny mahakasika an’Antananarivo manokana, raha tsy hoe ho foanana noho ny antony mafonja sy tsy azo ihodivirana avy amin’ireo milaza azy ho nahavoahangona porofo tsy azo lavina sy ny fanerena iraisampirenena angaha! Araka izany dia ho hita eo ny adin’ny ben’ny tanànan’Antananarivo vaovao manoloana olana maro misavovona eto Antananarivo izay maha isan’ireo renivohitra maloto indrindra azy eto ambonin’ny tany raha tsy hitanisa afa-tsy ireo efa voalaza matetika toy ny olan’ny fanorenana tsy ara-dalàna, rano tondraka fahavaratra, tohamboivoy, tsena manentsina fifamoivoizana, ny fako be sary efa ho tendrombohitr’Iarivo mihitsy misy fotoana ary ireo maro samihafa tsy voatanisa. Ho hitanareo eo izany loham-behivavy izany moa, hoy ny tenany, ka dia ho hita eo tokoa!
J. Mirija