izany no nambaran’ny Tale jeneralin’ny Fampiroboroboana ny indostria (DGI ) Njiva Rakotoarivonona omaly Talata 14 May tany Faratsiho. Vita omaly tamim-pomba ofisialy tokoa mantsy ny fanombohan’ny famokarana chips avy amin’ny ovy ao amin’ny Taninketsa Indostrialy any an-toerana. Distrika 5 amin’ny 7 any amin’ny faritra Vakinankaratra no efa nametrahana milina fanodinam-bokatra ODOF (One District One Factory). Feno 3 izany izao ny orinasa efa mihodina raha mbola ao anatin’ny dingana tsy maintsy arahina mialoha ny fampandehanana ny milina ny hafa. “Raha tonga teto ny Minisitry ny Fampiroboroboana ny indostria sy ny Varotra, Edgard Razafindravahy, tamin’ny herintaona, dia nanome toky anareo fa ho apetraka ary tsy maintsy hihodina ny ODOF eto Faratsiho”, hoy ihany ny DGI raha nampahatsiahy ny dingana nolalovana ka nisafidianana ny Kaoperativa 3MVT hitantana ny Taninketsa Indostrialy ao Faratasiho. Miroborobo ny kaoperativan’ny mpamboly ovy any Faratsiho. Raha manodidina ny 20 ny kaoperativa ao Faratsiho dia misehatra manokana amin’ny fambolena ovy ny antsasak’izay. “Ianareo ireo no hiara-hiasa hifanome tanana amin’ny famatsiana ovy an’ity ozinina ity mba ho samy hisitraka ny tombon-tsoa amin’ny fisian’ny Tetik’asa ODOF avokoa ny tantsaha mpamokoatra, ny kaoperativa sy ny distrika iray manontolo, hoy ny DGI. Antenaina koa fa tsy ho ela dia hiparitaka manerana ny tsena eto an-toerana sy ny manodidina ny vokatra FARAT CHIPS”.
Pati
Legende : Tahaka izao ny FARAT CHIPS !
Misy ifandraisany ny firongatry ny tsy fandriampahalemana sy ny fitotongan’ny
Manizingizina sy manenjan-tsandry ny Fanjakana, fa eo amin'ny tanim-panjakana no nisy ireo trano
Nivory teto Antananarivo omaly 13 martsa ny IPAM na Ivom-Panajariana an’Antananarivo sy ny Manodidina,
Efa tena mihatra amin’ny ain’ny mpiasa taorian’ny COVID 19 ny fijaliana,
Velon-taraina amin’izao fotoana izao ny ankamaroan’ireo mpamokatra sy mpivarotra
Hiditra an-tanety anio Zona 14 Martsa alina na rahampitso Sabotsy 15 Martsa