hankalazana ny niverenan’ny fahaleovantena sy ny nijoroan’ny Foloalindahy Malagasy amin’ny alahady ho avy izao. Andro vitsivitsy sisa dia higadona ny faha-63 taonan’izany vaninandro lehibe izany. Efa ao anatin’ny fametrahana ny pitsopitsony ara-teknika ireo tompon’andraikitra, ary efa vonona ihany koa ny toerana hanatanterahana izany.
MISY FEPETRA
Marihana fa efa voaara-maso avokoa ireo fitaovana rehetra entina hampiasaina mandritra io fotoana io, ary olona manana fahaiza-manao manokana momba ny fandefasana afomanga no misahana ny fandrindrana izany. Mifanindran-dalana amin'ny afomanga etsy amin’ny Farihin’Anosy moa ny fisian’ny afomanga ao amin'ny Kianjan’i Barea Mahamasina, aorian’ny « Antsam-piderana » hitondrana am-bavaka ny Firenena, izay hatao eny an-toerana. Araka izany dia tsy tokony hivoaka ny olona efa tafiditra ao anatin’ny Kianjan’i Barea mandritra io fotoana io, satria mitovy ny afomanga hiseho amin'ireo toerana roa ireo. Tsy azo atao noho izany fa mety hampidi-doza ny fijorojoroana eny amin’ny farihin’Anosy. Raràna ihany koa ny fitsilovana "Laser" eny amin'ny Faritry ny ranon'Anosy, fa mety hitera-doza satria misarika ny fipoahan'ireo vanja ny fanaovana izany. Farany, araka ny voalazan’ny Jeneraly Andriamasimanana William, tompon’andraikitry ny filaminana eo anivon’ny Komitim-pirenena mpanomana ny fankalazana ny fetim-pirenena (CTNO), dia hisy fepetra hentitra horaisina ho an’ireo izay minia mandika izany fandaminana izany ;
Pati
Nitroatra nidina an-dalambe indray ny vahoaka teny Ambohipo omaly takariva.
Mafy ny mahazo ireo mpifindra monina nalan’ny tompon’andraikitra tao amin’ny Faritra Menabe
Nitrangana toe-javatra mampalahelo tany Ankadilalana, Fokontany Mahazoarivo,