Fitrandrahana ny eny ambony tsy taka-maso

Nipetraka teny amin'ny volana ary nitondra fitaovam-pikarohana hanaovan'ny NASA fanadihadiana ny Odysseus lander izay novokarin'ny orinasa tsy miankina Intuitive Machines ny alakamisy 22 febroary lasa teo. Miara-miasa amin’ny tsy miankina sy ireo firenena mpiara-iombon’antoka aminy ny NASA mba handefasana olona indray ho eny amin’ny volana, ho fanomanana ny dia manaraka hatao eny amin’ny planeta Mars. Ny 15 febroary no nanainga tao amin’ny Kennedy Space Center i Odysseus lander, natosiky ny balafomangan’ny orinasa Space X, izay orinasan’ilay Amerikana mpanefoefo Elon Musk moa. Ho fanomanana ny fiverenan’ny zanak’olombelona eny amin’ny volana izao fihetsiketsehana rehetra izao. Olona 4 , efa nofanina manokana no voalaza fa handray anjara amin’izany dia ny « Mission Artemis ».
RTT