Fizahantany eto Madagasikara

raha toa ka 111 105 tamin’ny taon-dasa tao anatin’ny vanim-potoana mitovy, raha ny antontsan’isa navoakan’ny Minisiteran’ny fizahantany sy ny asa tànana. Na eo aza anefa izany fiakarana izany, dia mbola ambanin’ny tamin’ny taona 2019 izay teo amin’ny 143 451 ny mpizahatany iraisam-pirenena nitsidika an’i Madagasikara tao anatin’ny vanim-potoana mitovy hatrany. Manamafy ny tokony hisian’ny ezaka hahafahana misintona hatrany ny mpizahatany kosa ireo mpisehatra, ka anisan’izany ny fanamafisana ny fitrandrahana sy fampivelarana ny fizahantany, fanamboarana maika ireo làlam-pirenena sy ireo làlana miazo ny faritra ara-pizahantany, fa indrindra ny fanatsarana ny fahaiza-manaon’ireo mpiasa amin’ny tontolon’ny fizahantany. Mitana anjara toerana manan-danja amin'ny toekaren'i Madagasikara, saingy tsy dia be dia be ny isan-jatony amin’ny harin-karena faobe na PIB (Produit Intérieur Brut) amin'ny ankapobeny satria mbola manodidina ny 3-4% amin'ny PIB io ho an’i Madagasikara. Na dia eo aza izany, mitana anjara toerana lehibe amin'ny fanomezana asa sy ny fidiram-bola ho an'ny mponina, indrindra any amin'ny faritra manamorona ny tora-pasika sy ny toerana fisakafoanana. Ny famatsiam-bola sy ny fanatsarana ny fotodrafitrasa fa indrindra ny fanamafisana ny fandriampahalemana miaraka ny fitrandrahana ara-pizahantany maro izay mbola azo hampitomboina dia mety hampitombo ny fidiram-bola avy amin'ny fizahantany amin'ny ho avy. Raha manao fampitahana kely, mahatratra 3 tapitrisa isan-taona eo ny mpizahatany tonga atsy Maurice, ary mahatratra 25 hatramin’ny 30% amin’ny PIB ao an-toerana ny fizahantany. Ny antsika kosa any amin’ny 2028 no heverina hahatrarana 1 tapitrisa isan-taona. Kely sy bitika ny antsika hatreto, kanefa tsy manana ireo harena voajanahary ananan’i Madagasikara izy, raha tsy hilaza afatsy ny hoe : manodidina ny 80% ny karazana zavamaniry sy biby eto amintsika no tsy hita any amin’ny toerana hafa eto an-tany, raha tsy hilaza afatsy ny ragidro, ny baobab,… Mbola azo trandrahana tsara ny fizahantany eto, saingy mila paikady sy fitantanana mahomby.
Toky R
Sary : Minisiteran’ny fizahantany sy ny asa tànana