Actualités

 Samy nilaza ny tany niaviany avy tamin'io tompon'andraikitra io ireo Jiosy Gasy. Vita izay dia tonga ny Emmo-Reg niaraka tamin'ny fiara Minibus miisa telo. Ny iray mianatsimo any Toliara, ny faharoa miantsinana mankany Toamasina ary ny farany mankany Mahajanga. Nisy tamin'ireo Jiosy Gasy no tsy nanaiky mihitsy ny hiakatra tao anaty fiara fa noteren'ny miaramila ary voavelin'ny vodibasy mihisy aza. Andro vitsy lasa izay dia nisy ny hetsika natao teny amin'ny By-Pass nandroahana ireo mpivarotra manamorona iny lalana iny. Voakasik’izany koa ireto mitonona ho Jiosy ireto kanefa tsy nety niala, na efa noravana trano aza. Araka ny fantatra dia baiko avy amin'ny minisitry ny Fanajariana ny tany no nandroahana ireto jiosy malagasy ireto.

Rakoto Maxime