Raha tsy mivaha ny olan’ny angovo

fotoana izao, hoy ny antoko politika Fiombonana, dia miteraka ihany koa tsy fandriampahalemana, olana ara-tsosialy maro, raha tsy hiresaka fotsiny ny tsy fahampian’ny vola hanomezana vatsim-pianarana ireo mpianatra eny amin’ny anjerimanontolo, izay mikaikaika, amin’izao fotoana izao. Mampametra-panontaniana amin’ny fitondram-panjakana izany, hoy ny sekretera jeneralin’izy ireo, Durlin Retogniane, hoe ahoana no ahafahana mamaha ny olana eto amin’ny tany sy ny firenena? Vahaolana no arosonay, raha ohatra ka tena hampitombo ny resaka fampananana asa ny fitondram-panjakana, dia mila mifantoka amin’ny sehatra na «axe» faharoa amin’ireo praogramam-panjakana napetrany na PGE izy. Izany hoe ahoana no ahafahana misarika ireo mpampiasa vola vahiny hampiasa ny volany eto Madagasikara amin’ny alalan’ilay hoe fampiroboroboana indostria? Betsaka tsinona ireo akora hananantsika eto Madagasikara saingy misalasala ireo mpampiasa vola vahiny satria ilay «climat d’investissement» na fitoniana hampiasa vola mihitsy no mbola tsy mipetraka. Etsy ankilany ny olan’ny angovo. Tsy hisy ho voasarika hampiasa vola eto izany, raha tsy mivaha ny olan’ny angovo. Hiarahantsika mahita nefa fa tena latsaka an-katerena amin’izao fotoana izao ny JIRAMA, hoy hatrany ny antoko politika Fiombonana.
J. Mirija