Raharaham-panjakana

izay ivondronan'ny « corps » telo, dia ny Attaché d'Administration, ny Adjoint d'Administration ary ny Assistant d'Administration. Araka ny lalam-panorenana, andininy faha-30, faha-31 sy ny faha-32, ny Sata mifehy ny mpiasam-panjakana raikitra (Loi n° 2003-011), andininy faha 09 sy faha 11 sy ireo lalàna mikasika ny asam-panjakana rehetra, dia mananjo haneho hevitra sy hanao hetsika ara- tsendikaly ny fikambanana sendikaly rehetra, rehefa mahafeno sy manaraka ny fepetra voalazan'ny lalana manankery, hoy izy ireo araka ny fanambarana an-taratasy navoakany izay nosoniavin’ireo mpitarika. Nivoitra tao anatin’izany, fa araka ny fivoriam-be tsy ara-potoana natao teto Antananarivo, ny zoma faha 04 oktobra sy raka ny taratasy filazana fanairana nalefa ho an'ny tompon'andraikitra rehetra teto amin'ny firenena tamin'ny 15, 16 sy 17 oktobra 2024, ary ny taratasy fampahatsiahivana natao ny 14 novambra 2024 dia : misy ny fitsaharan'asa ataon'ny mpikambana rehetra ato anatin'ny « Confédération des corps à Vocation administrative » manerana ny Nosy, amin'ity herinandron’ny 25 novambra 2024 ity, hoy ny fanambarana izay narahana fialan-tsiny noho ny mety ho fikorontanana aterak’izany. Tombotsoan'ny be sy ny maro sy fanatsarana hatrany ny tolotra momba ny asam- panjakana no tanjona, koa manentana antsika rehetra ho tony hatrany ! Tsy misy resaka politika tompoko izao hetsika izao fa tena hetsika ara- tsendikaly tanteraka, hoy ny fanambarana. Hanao ahoana ny tohiny ? Hivaha ve ny olana ? Hohenjehina araka ny fahita hatramin’izay ve ireo mpitarika sendikaly ?
Toky R