airtel

Actualités

30-août-2023

Romy Andrianarisoa

Nisy iraka fifampiraharahana tamina Belza ihany koa?

Sample post image

Navoakan’ny fampahalalam-baovaon’ny Africa Intelligence tao anatin’ny lahatsorany, fa nifanandrify tamin’ny andro

30-août-2023

nisamborana ny Tale Kabinetran’ny Fiadidian’ny Repoblika teo aloha Rtoa Romy Andrianarisoa, fa nisy ny fifampiresahana taminy teo aminy sy ny mpandraharaha na “home d’affaires” teratany Belza tao Londres. Nosembanin’ny fisamborana azy noho ny ahiahina kolikoly goavana anefa io, ka antony mbola maha voatazona azy amin’izao miandry fitsarana. Voalaza fa iray amin’ireo mpandraharaha mirahalahy mitondra ny anarana Sutter, dia Peter de Sutter na Kristof de Sutter izy ireo, izay nakany Londres hitady fifampiraharahana amin’ny Mpitondra avy aty Antananarivo. Voalazan’io gazety io, fa misy ny fifanolanana eo amin’ny orinasan’ireto Belza ireto dia ny Polo Garments Majunga na PGM izay rantsan’ny vondron’orinasa Ansi, amin’ny Fanjakana Malagasy nanomboka 12 taona lasa eo ho eo. Izy ireo izay nampian’ny “tribunal arbitral” eo anivon’ny Banky iraisam-pirenena na ny CIRDI (Centre International pour le Réglement des Différends Relatifs aux Inverstissements), izay nanameloka ny Fanjakana handoa onitra 6,9 tapitrisa euros ho fanonerana sy tombony na “dommages et interet” noho ny fampiasam-bola nataony. Voalaza fa tsy mbola voahefa mihitsy na maro aza ny fampahatsiahivana amin’ny tokony hampiharana izany. Nandritra ny fanolorana ny taratasy manendry azy tamin’ny Filoham-pirenena Andry Rajoelina ny 02 aogositra, nitondra fanamarihana ho ho an’ny Filoha ny Ambasadaoro Belza Peter Maddens, fa namparefo sy nanimba ny fiaraha-miasa ara-toekarena teo amin’ny firenena roa tonta io dosie io, hoy ny lahatsoratry ny Africa Intelligence. Nolazain’io fampahalalam-baovao vahiny io, fa nanome toromarika an-dRtoa Romy Andrianarisoa hifampiresaka amin-dry Sutter mirahalahy ny Filoham-pirenena mba ahitana vahaolana am-pirahalahiana. Hatramin’ny nahasamborana an’io Tale kabinetra teo aloha io, voalaza fa mangina tanteraka ity dosie ity, izay voalaza fa manosika ireo mpandraharaha Belza ireo hamoha indray ny dingana ara-pitsarana mba ahafahana mampihatra ilay didy navoakan’ny CIRDI izay nanapaka ny handdoavan’ny Fanjakana Malagasy 6,9 tapitrisa euros. Andrasana izay mety ho fanampim-panazavana na fandisoana ataon’ny Fanjakana eo anatrehan’io vaovao navoakan’ny vahiny io. Sady miandry ny fitsarana amin’ny 8 septambra isika no mametra-panontaniana hatrany hoe: tena tsy misy ifandraisan’ny Filoha sy ny fitondram-panjakana tokoa ve ilay dia tany Londres? Tena tao anatin’ny fialan-tsasatra sy nandeha tamin’ny anaran’ny tenany manokana ve Rtoa Romy Andrianarisoa izay afaka nisolo tena an’I Madagasikara sy ny Fanjakana Malagasy hifanaraka amin’ny orinasa vahiny? Raha tanteraka teo ny fikasany dia fahefana avy aiza no ahafahany mamoaka fahazoan-dàlana hitrandraka harena an-kibon’ny tany raha tsy avy amin’ny Fanjakana Malagasy?
Toky R

 

Dans la même rubrique

17-oct-2024

Manamafy ny Fanjakana fa tsy mahasehaka ny saran’ny famokarana ny saran’ny famarotana ny angovon’ny Jirama,

Card image cap
17-oct-2024

Tsy ny famatsian-drano avy amin’ny JIRAMA na Jiro sy rano malagasy ihany amin’izao fotoana

Card image cap
17-oct-2024

Mahazo vahana tanteraka ny asa fivarotan-tena eto amintsika. Ankoatra ny amin’ny tambajotran-tserasera Facebook

Card image cap
OJM
16-oct-2024

Nitondra fampahatsiahivana ny Biraon’ny Holafitry ny mpanao gazety eto Madagasikara na ny OJM

Card image cap
16-oct-2024

Raha tiantsika hiarina i Antananarivo dia jereo izay olona tsy nanao kolikoly, hoy ny mpanabe

Card image cap
16-oct-2024

Lasibatra indray ny mpanao gazety maro omaly, raha saika hanangom-baovao nandritra

Card image cap