Seranan’Ivato nametrahana Bianco

izay nambara fa hahafahan’ny rehetra mametraka fitarainana na fampandrenesana, ary am-perin’asa avy hatrany. Eo ambany fiahiana mivantan’ny Departemantan'ny Fanadihadiana na « investigation » ao amin'ny Foibem-pitantanana ny Bianco io, ka handinika ny fitarainana maro momba ny fanararaotana sy ny kolikoly, hanao fanadihadiana sy hetsika fisorohana ankoatra ny fanentanana. « Fepetra fisorohana hapetraka manoloana ny fomba fiasa sy ny rafitra. Tena goavana amin’ny ady amin’ny kolikoly ny fanovana ny toe-tsaina ao anatin’ny fanabezana. Tena mafy ny fakam-panahy, mety misy tombotsoa manokana, teren’ny zava-misy,… ka izay no hametrahana fepetra fisorohana. », hoy ny Tale Jeneralin’ny Bianco Atoa Nestor Gaby Razakamanantsoa. Nanome toky moa ity Tale Jeneraly vaovao ity fa hahomby, mahavita asa tsara ary mendrika ny fitokisana ny Bianco amin’ny asany dia ady amin'ny kolikoly ary ho toy ny fitaovana hanovana sy hahitam-bolany amin’ny fihenan'ny kolikoly. Hampihatra tanteraka ny ady amin'ny fomba fanao ratsy, indrindra fa ny asa tsy ara-dalàna sy ny trafika tsy ara-dalàna io rafitra vaovao io, raha ny nambaran’ny Tale Jeneralin’ny ACM (Aviation Civile de Madagascar) Atoa Gervais Damasy. Ankoatra ireo mpiasan’ny Bianco eny Ivato handray ny fitorohana sy hanao fanadihadiana, dia napetraka ihany koa ny fahafaha-mametraka fitoriana an’habaka “i-toroka” eny an-toerana izay ahafahana tsy mitonona anarana sy voaaro, ary azo ampiasana ny tekonolojia toy ny kaody QR. Ny trondro madinika ihany no ho azon’ny mason’ny harato eto sa mba ho voafongotra ny trondro vaventy ? Anisan’ny resaka nataon’ny Filoham-pirenena Rajoelina fony nandray ny fahefana ny fiandohan’ny 2019 ny hoe : tsy handefitra amin’ny kolikoly na « tolérance zéro » saingy niaraha-naheno ny écran plat, bonbon sucette, vilany iray1000 000Ar ny iray, aferan-tany, Gemfields,… ka sao ny resaka hatrany no betsaka ?
Toky R