Sivily nisandoka ho lietnà

fokontany ao ihany, kaominina andrenivohitra sy distrika Mananara/Avaratra izy, hoy ny fampitam-baovao voaray ny sabotsy teo. Nifandray tsara tamin'olona manodidina azy. Tamin'izany izy dia nilaza fa "Lieutenant Pénitencier" na lietnà mpiandry fonja ary manana Jeneraly miaraka miasa aminy any Antananarivo. Mba ho porofon'izay nolazainy dia naderaderany ny sariny manao fanamiana tafika milanja mariboninahitra. «Pénitencier lieutenant» manao akanjo tafika milanja mariboninahitra «Adjudant chef». Milaza izy fa maha tafiditra zaza izay te hanao zandary sy «pénitencier» na mpiandry fonja. 24.000.000 Ariary no totalin'ny vola azony. Nahazo vola izy dia lasa nandeha lavitra an’i Mananara. Voasambotry ny borigadin’i Mananara izy ny 29 jona 2024 tamin'ny 11 ora tolakandro. Tovolahy teraka ny taona 1997, monina ao Antanankoro, fokontany ao ihany, kaominina andrenivohitra sy distrikan’i Mananara/Avaratra. Mitovy finoana izy sy ny miaramila tafika avy any amin'ny faritany tsy tononina izay. Mpinamana tena akaiky. Nanaovany ny fanamian'ity namana tafika ity no sady nitifirany sary. Azony ny sary miaraka amin'ny fanamiana dia nampiasainy amin'ny fisolokiana. Miantso anareo izahay Zandarimaria. Tandremo fa amin'izao fotoana akaiky «concours» na fifaninanana izao na polisy io na zandary na mpiandry fonja dia betsaka ireo olona misoloky sy mitady vola etsy sy eroa. Fantaro fa na iza na iza, na grady farany ambony, na milaza ho olona ambony, na mahay miresaka toy inona dia tsy misy manana fahefana hampiditra anao amin'ny asam-panjakana misy fifaninanana. Fisolokiana ny fitadiavana vola amin'izany ary mahavoasazy koa ny manome vola hanaovana izany. Aorian'ny famotorana azy dia ho atolotra ny fitsarana izy, hoy hatrany ny fampitam-baovao voaray.
J. Mirija