.jpg)
Tsy olona avy ao anatin’ny CNaPS fa avy aty ivelany. Tale Mpanatanteraka teo anivon’ny orinasan-tserasera an-tariby iray teo aloha ny tenany. Olona akaiky ny fitondrana mazava ho azy matoa voatendry, ka ny vadiny dia misy milaza fa mpanolontsaina any amin’ny Fiadidian’ny Repoblika, niara-nianatra tamin’Atoa Louis Ellys Cédric izay efa tompon’andraikitra teo anivon’ny CNaPS sady vadin’ny Minisitry ny toekarena sy ny vola,… Raha hiverenana, dia nesorina ny Tale Jeneraly teo aloha Atoa Arizaka Rabekoto Raoul vao tonga teo ny Fitondrana Rajoelina. Nenjehina ka nitsoaka any ivelany. Napetraka ho Tale Jeneraly mpisolo toerana Rtoa Joslina Tsaboto, ary notendrena avy eo Atoa Mamy Rakotondraibe. Nisy ny olana ara-pitantanana, ka herintaona sy 4 volana no tsy nanana Tale Jeneraly rehefa naiditra am-ponja vonjimaika ny Tale Jeneraly Mamy Rakotondraibe ny 15 martsa 2022, ka Rtoa Joslina Tsaboto indray no notendrena ho Tale Jeneralympisolo toerana saingy nogadraina ny 22 jona, ary navoaka ny 07 jolay. Io voatendry io indray ny Tale Jeneraly vaovao Atoa Rahaingonjatovo Vimbina, izay betsaka ny zavatra mety miandry azy momba ny fandaminana ny CNaPS sy fandravonana ireo olana samihafa. Olona akaiky ny Fitondrana izy ka asa izay ho fandehan’ny fitantanana eo anatrehan’ny mety ho fikasan’ny Fanjakana hindrana sy hampiasa ny volan’ny CNaPS tahaka ny efa niseho teo aloha?
Toky R
Tombanana ho betsaka ny rotsak’orana, izany hoe hahatratra 50 hatramin’ny 100 mm
Olona miisa 5 no fantatra fa efa voasambotra hatreto taorian’ireo karazana firehetana
.jpg)
Manomboka miha mamy ny voankazo eny an-tsena tao anatin’izay herinandro
Faly sahirana ny tantsaha na dia tonga aza ny rotsak’orana ao anatin’izao andro
Na noho ny rivodoza na noho ny rivon-tsoa dia nampiaina ny zavaboahary ny orana nilatsaka aloha,
Manjaka tanteraka amin’izao fotoana izao ny haintany ao amin’ny kaominina ambanivohitr’i Marofoty, Toliara II,
.jpg)
