Tsy fampidinana saram-pifandraisan-davitra

raisina amin’ireo orinasam-pifandraisan-davitra tsy mampidina izay saram-pifandraisan-davitra eto Madagasikara izay. Ny filohan’ny vaomiera tokony hanara-maso izany eny anivon’ny antenimieram-pirenena moa mbola hita ho variana miady ny hahazoana pao-droa tamin’ny fifidianana solombavambahoaka teo. Tsy afaka atodika any intsony izany aloha ny fanantenana mikasika an’izay. Nilaza ny fitondram-panjakana, tamin’ny alalan’ny sampan-draharaha miandraikitra izay fifandraisan-davitra izay na ny ARTEC fa hisy ny fepetra ho raisina kanefa mandeha ihany ity ny andro sy ny volana saingy tsy hita hoe inona izany izay fepetra izay? Toa mbola ilay sarany mampikaikaika ny mpanjifa hatramin’izay volana vitsivitsy lasa izay ihany no iainana ankehitriny? Efa lasa tsy vaovao intsony rahateo moa ny fampanantenana tsy tanteraka toy ny Flyover sy Tanamasoandro tao anatin’ity fitondrana ity na koa ny Miami Toamasina nampanantenaina ho toy ny any Etazonia kinanjo taty aoriana dia io lasa io hoe Miray hina sy mifankatia.
J. Mirija