Actualités

izany hoe famokarana haitao amin’ny alalan’ny fikirakirana fako, dia miantso fanampiana ho azy ireo amin’ny alalan’ny fandraisana anjara amin’ny FIM andiany faha 17 etsy Tanjombato ny koperativa Fanavotana. Seha-pihariana iray manontolo ny fako, hoy ny filohan’ity koperativa ity, Fara Rasamimanana. Misy ireo mpanangona, hoy izy. Misy ireo mpanodina. Misy ny tompon’ny fako izay tomponandraikitra voalohany tokony hamantatra hoe nanao ahoana no niafaran’ilay fako? Ireo vehivavy sahirana amina faritra misy fitantanana orinasa na «industriel» no mifanaraka amin’ilay fitantanana hoe alainy ny fako izay sady tsy organika no tsy simika mba hahodin’izy ireo. Ny taratasy izao lasa vakana na harona. Ny lamba lasa kilalao na saribakoly. Izany hoe lasa fidiram-bolan’ireo vehivavy. Tanjona anatin’izao fandraisana anjara izao koa ny haha lasa ireo vehivavy ireo ho mpandraharaha matihanina. Hampiakarina koa ny fahaizana satria tsy nahita fianarana ny ankamaroany. Mbola mila ampianarina koa zareo hanitatra ny fihariany sy hamantatra ny dikan’izany hoe fifanarahana. 30 isa ry zareo hatreto. 17 isa kosa no fokontany iasana ary mbola eto Antananarivo ihany aloha. Mila risika matotra be hatreto ny sehatry ny toekarena manarina sy ny fanodinana fako eto Madagasikara satria isika tsy manana lalàna mifehy ny fitantanana fako. Mikorontana be ilay sehatra hatreto ary be dia be koa ireo tsy manara-drafitra manao azy. Tsy misy anefa ny sazy voafaritra ho azy ireny iarovana ireo tena matihanina, hoy hatrany ny fanazavana.
J. Mirija
Legende : Ry zareo ao amin’ny fanavotana