Hatreto mantsy raha araka ny fanazavan-dRazafinjato Fela, filohan’ny Association des femmes handicapées de Madagascar na ny AFHAM dia mbola tsy tena hita taratra loatra izany. Tsy miaina fanilikilihana mivantana izahay hoy izy saingy miaina izany an-kolaka kosa. Tsy afaka manatona ireo CSB II miakatra totohotrabe izahay ohatra hoy izy. Toraka izany koa ny fivoahana amin’ireny trano fivoahan’ny CSB II fa ireo olon-tsotra ihany no afaka mampiasa azy ireny….Ankoatra izay hoy izy dia atahoran’ireo mpampivelona eny anivon’ny tobim-pitsaboana ihany koa ny vehivavy manana fahasembanana rehefa bevohoka. Noraisiny ohatra tamin’izany ny tenany fony izy bevohoka ny zanany voalohany 3 volana an-kibo. Ilay Reniko 63 taona nitondra ahy hoy izy no saika nampisafoan’ilay rasazy fa tsy izaho ilay mitondra vohoka. Rehefa nahitsy ilay rasazy nandritra izany hoy Razafinjato Fela dia toa natahotra no sady feno ahiahy nefa vehivavy mitovy amin’ny vehivavy rehetra ny vehivavy manana fahasembanana. Afaka miteraka izy hoy Razafinjato Fela, afaka mitia lehilahy ihany koa ary afaka manam-bady fa tsy araka ny fahitan’ny maro azy. Ho fisorohana izany fanilikilihana ny vehivavy manana fahasembanana na ny tahotra ny fandraisana an-tanana azy ireny izany araka izany dia hanatanteraka ilay tetikasa, Ny vatanay safidinay ho fampiroboroboana ny zo ara-pananahin’ny vehivavy sembana izy ireo. Haharitra 15 volana izany vatsian’ny AFD vola. Hisy araka izany ny fanentanana ireo tobim-pitsaboana misy eto amintsika hahafantaran’izy ireny ny zon’ny vehivavy manana fahasembanana. Toraka izany ihany koa ny fiofanana omena ireo tompon’andraikitry ny fahasalamana ka hanoroana azy ny fomba fandraisana ireo vehivavy manana fahasembanana.
Pati
Legende : Fela Razafinjato, filohan’ny Association des femmes handicapées de Madagascar
Manamafy ny Fanjakana fa tsy mahasehaka ny saran’ny famokarana ny saran’ny famarotana ny angovon’ny Jirama,
Tsy ny famatsian-drano avy amin’ny JIRAMA na Jiro sy rano malagasy ihany amin’izao fotoana
Mahazo vahana tanteraka ny asa fivarotan-tena eto amintsika. Ankoatra ny amin’ny tambajotran-tserasera Facebook
Nitondra fampahatsiahivana ny Biraon’ny Holafitry ny mpanao gazety eto Madagasikara na ny OJM
Raha tiantsika hiarina i Antananarivo dia jereo izay olona tsy nanao kolikoly, hoy ny mpanabe
Lasibatra indray ny mpanao gazety maro omaly, raha saika hanangom-baovao nandritra