FAHAFATESAN’I MAELLA

tambajotran-tserasera Facebook nanomboka ny fiandohan’ny herinandro teo ny fahafatesan’i Maella ilay zazavavy kely iray niakatra teny ambony armoara dia nitsambikina teo ambony fandriana ary nilatsaka teny amin’ny tany avy eo. Ny Sabotsy 08 Jona no nitrangan’io toe-javatra mampalahelo io rehefa niara-nilalao tamin’ny cousin-keliny tao an-tokantranony izy. Nentina avy hatrany teny amin’ny hopitaly tsy miankina iray teny Tsiadana ity zaza tsy manan-tsiny ity taorian’izany saingy tsy vitan’izy ireo ka voatery nentina tao amin’ny hopitaly HJRA Ampefiloha. Nivonto mantsy ny tananan’i Maella. Indrisy anefa fa tsy tana ny ain’ilay zaza noho izy sondraovaky ny sakafo nomena azy hoy ny vaovao ka nahatsentsina ny lalan-drivotra. Tohana mafy noho io tranga io ireo fianakavian’i Maella ka nilaza ny hitory. Tsy naharitra fa nitondra fanazavana mikasika izany ireo lehiben’ny sampandraharaha eo anivon’ity hopitalim-panjakana iray ity omaly. Nambaran’izy ireo fa tsy maintsy manao fanadihadiana ny tompon’andraikitra vao miroso amin’ny fampatoriana olona na zaza iray tsy maintsy mandalo fandidiana ary misy sonian’ireo havan’ny marary na ny Ray aman-dRenin’ilay zaza izany. Ny taolana tapaka dia marary hoy izy ireo ary fitsaboana hatao aminy dia miteraka ny fikitihana ny ratsam-batana misy ny fahavoazana. Ny kiho no misy fahavoazana nefa any amin’ny poignet no hasiana platre. Tena izay mihitsy hoy ny mpitsabo iray satria misy ny platre manokana izay any amin’ny poignet no fametahana azy na dia ny kiho aza misy fahavoazana.
Nangonin’i Pati
Legende : Manana fahaiza-manao manokana momba ny fandidiana ny eto amin'ny hopitaly HJRA Ampefiloha !