.jpeg)
natao ny alahady 07 jona teo. Nivarina any amin’ny laharana faha-3 ny RN (Rassemblement National sy ny mpiara-dia aminy) na ny hery ankavanana izay voalohany tamin’ny fihodinana voalohany ary nanana ny maro an’isa, raha nijanona teo amin’iny ny fifidianana. Toy izao ny fitsinjaran’ireo toerana 577 mandrafitra ny antenimieram-pirenena Frantsay : Ny Nouveau Front Populaire izay hery ankavia no voalohany nahazo 182, Divers Gauches na ireo hery ankavia sasany 13 ; ny Assemble izay nivondronan’ireo mpanohana ny Filoha 168 ; ny Rassemblement National sy ny mpiara-dia aminy 143 ; Les Républicains sy ireo hery ankavanana hafa nahazo 60 ; ary ireo tsy dia misongadina na « autres » 11. Raha amin’ny antsipirihana sy tsinjaraina araka ny fironana politika, dia ny vondron-kery havia nahazo toerana 195 ny (FNP+Autres gauche), ny La France Insoumise nahazo seza 71, eo alohan'ny Antoko Sosialista izay nahazo seza 64, Les Ecologistes-EELV (33), ny Antoko Kaominista Frantsay 9, ary ny fikambanana havia hafa izay mizara ny seza telo farany. Ny antokon’i Emmanuel Macron sy ny mpiara-dia aminy kosa nahazo seza 168, ka 98 ho an'ny Renaissance, 34 ho an'ny MoDem ary 26 ho an'ny Horizons. Seza enina "divers centre" no mameno io vondrona afovoany io. Ny Rassemblement national (RN) miara-dia amin'ny Repoblikan'i Eric Ciotti izay efa voalaza fa nahazo 143 kosa, dia mitsinjara ho 126 avy amin'ny antoko tarihin'i Marine Le Pen sy Jordan Bardella, ny 17 hafa avy amin'ny fiaraha-miasa eo amin'ny antoko farany havanana sy ny Repoblikana. Ny Les Republicains kosa moa 45, izay ampiana seza 15 hafa amin'ny havanana. Na teo aza ny fitsimbadihan’ny fifidianana, tsy nisy ny nahazo ny maro an’isa, ka tsy maintsy miditra amin’ny fifandaminana na « cohabitation » indrindra fa ny antokon’ny fitondrana, ka asa izay ho Praiminisitra ? Tsy tena mbola tafapaka ary mahamailo mafy ny Frantsay izany ilay foto-kevitra kaonservatera, tsy te hahalala afatsy ny tena Frantsay, sarotiny sy manenjana amin’ny mpiavy,… Tsy niandry ela, fa ampitson’ny fifidianana ihany dia nametra-pialana ny Praiminisitra Gabriel Attal ho fanajana ny fenitra Repoblikanina satria tsy nahazo maro an’isa ny antoko natarihiny, saingy nolavin’ny Filoham-pirenena. Nitazona azy i Macron omaly, mba hiantohana ny famarinan-toeran’ny Firenena Frantsay. Mba aiza ho aiza amin’ny endri-pifidianana sy ny politika any eto amintsika ? Rahoviana vao mba hahay hanetry tena hiala rehefa tsy mahomby ? Rahoviana vao mba hisy fifidianana madio ?
Toky R
