Ny vanona tsy vonona,

manatitra ny antontan-taratasiny. Ny 99%n’ireo kaominina manerana ny Nosy anefa mbola tsy nahavaky atody hatramin’ny omaly maraina. Eo ilay toe-tsaina miandry farany, saingy toa tsy tena izay ny zava-misy fa tena malaina ireo te ho kandida noho ny antony maro samihafa, ary manampy trotraka ny fahasarotana, ampian’ny anto-bola midangana, ny kajikajy politika maloto,… Tsy finiavana hiampanga mialohan’ny fotoana, fa tena miteraka fahakivian’ireo olom-pirenena mba mieritreritra hitondra anjara biriky amin’ny kaominina misy azy ireny fanasarotana samihafa ireny. Manampy trotraka ny mety ho don-tandroka samihafa ka ahiana hiverina sy hitohy hatrany ny hoe : ny antokom-panjakana ihany no tena hanana kandida handrakotra ny kaominina rehetra manerana ny Nosy, na mety hisy sarintsarina kandida mahaleotena manana firehana sy loko politika tahaka ny tamin’ny fifidianana depiote teo eo anatrehan’ny efa tsy fankasitrahan’ny vahoaka ny lokom-panjakana intsony, izay efa hita taratra tamin’ireo tanàn-dehibe maro tamin’ny fifidianana ben’ny tanàna teo. Hakisakisaka hatrany ny tena olona vonona hanompo sy hampandroso tanindrazana, ka loko sy fijery tokana hatrany no tiana hampanjakaina eto. Izao angamba ilay hoe : ny vanona tsy vonona, ary ny vonona tsy vanona ?
Toky R