Sahisahy ratsy

fampiasana ny herin’ny vola,… hany tena mitombo ny hetraketraka. Nandeha ny raharaha 2009 nisiana fanonganam-panjakana dia noleferina sy afaka nanao izay danin’ny kibony tamin’ny fitantanana maloto samihafa. Nandeha ny fifidianana 2018, dia nekena mba hisorohana ny korontana sy ny sakoroko saingy niaraha-nahita ny endri-pitantanana mamohehitra izay nampitombo ny fahavoazan’ny firenena noho ny kolikoly nahazo vahana, trafikana harem-pirenena, Fanjakana ratsy tantana, orinasam-panjakana tapitra potika sy mitsipozipozy,… Dia tonga ihany koa ny 2023 dia iny niaraha-nahita iny ny fifidianana sy zava-niseho nialoha izany. Tsy manan-tahotra ny mpitondra eo anatrehan’ireny satria miantehitra amin’ny basy aman-tafondro sy ny vola. Na efa betsaka aza ny fifidianana ny fahasosorana, izay efa tonga hatreny an-dalambe toy ny tamin’ireny resaka delestazy, olan’ny mpandroaka fako,… dia ny fandrarangana hery aloha no mandeha aloha. Izao dia mbola miketrika hametraka tetika mamohehitra handrombahana ny maro an’isa eny amin’ny Antenimierampirenena mba hananana fahamarinan-toerana. Vao mainka anefa hampiombo ny fahasosorana ireny. Mihevitra ny fitondrana ankehitriny fa azo gamoina sy resena herisetra sy didy jadona ny Malagasy, ka na inona na inona hanaovana azy, dia tsy fola-mandefitra mandrakariva eo. Efa tena manomboka miakatra ambony kokoa amin’ny fihantsiana ka mikitika ny tsy fikitika sy manararaotra ny fahalemena sy fahantram-bahoaka ka tsy te hahalala izay mety hiafarana sy mety ho fitsimbadiky ny tantara. Tsy adala ny Ntaolo nanao hoe: “raha mitohy ny hazo lanin’ny voalavo ny lanitra”, ka asakasak’ireo mihevi-tena ho tsy ho tratry ny aloka mandrakizay. Aleo tsiahivina foana fa lany efa ho 99% ny Filoha Tsiranana ny faramparan’ny taona 1971 ary nanana maro an’isa tao amin’ny Antenimiera, fa niongana ny mey 1972. Niorim-paka 21 taona ny Filoha Ratsiraka, fa nirefotra ny 2002. Natanjaka I Marc Ravalomanana izay nitondra 7 taona fa nirefotra ny 2009,…
Toky R