.jpg)
Hopitalin'ny distrika (CHRD) sy Hopitalim-paritra (CHRR) maro no efa nisitraka izany. Omaly Talata 06 Desambra dia ny CHRD Arivonimamo, faritra Itasy indray no nahazo fampitaovana "panneaux solaires" vaovao 26 isa. Vokatry ny fiaraha-miasan’ny Ministeran’ny Fahasalamam-bahoaka sy ny mpiara-miombon'antoka GIZ no angady nananana sy vy nahitana izany. Marihina moa fa mba hahafahana manavotra ireo vehivavy teraka amin’ny alina nefa tapaka tampoka ny jiro, na koa misy marary mafy mila famonjena ankoatra ny ady amin’ny tsy fandriampahalemana no antony nanomezana ity fitaovana mandeha amin’ny herin’ny masoandro ity. Azo hampiasaina ihany koa izy ireo raha sendra misy olona marary na vehivavy teraka mila fandidiana maika.
Nangonin’i Pati
