Vao 7 ka hatramin’ny 8% monja mantsy izany raha misy, tranga izay atahorana hanaparitaka ireo karazan’aretina azo avy amin’ny loto entin’ny tanana mankany am-bava. Manoloana io tranga io dia nanao fanadihadiana tamina sekoly miisa 30 teto amin’ny Faritra Analamanga nahitana ny distrikan’Ambohidratrimo, Manjakandriana, Anjozorobe, Atsimondrano ary Avaradrano ny Water Aid niaraka tamin’ny Ministeran’ny Fahadiovana sy ny Fidiovana. Nandritra ny 2 taona no nanatanterahan’izy ireo ka nahafantarana io salan’isa io. Nohatevenina noho izany ny fanentanana ireo mpianatra mba hazoto hanasa tanana amin’ny savony. Toraka izany koa ny fametrahana toerana hahafahana manasa tanana sy midio isaky ny sekoly ka fantatra fa ny 90% amin’ireo distrika ireo amin’izao no efa manaja izany tanteraka. Toraka izany koa ny fahafahan’ny tovovavy mpianatra midio ara-dalana rehefa tonga fadim-bolana isam-bolana.
Pati
Legende : Hampianarina hanasa tanana dieny mbola kely ny ankizy mba ho fianarana ho azy mandrapahalehibeny !
