HOMAMIADANA MAHAZO NY VEHIVAVY

Oktobra na ny « Octobre Rose ». Ho fiahiana ny fahasalaman’ny mpiasa ao aminy dia nanao hetsika anatiny ihany koa ny STAR tamin’iny volana nivalona iny. Niarahany fondation Akbaraly izany tamin’ny fiandohan’ny volana ka nampahafantarina ny mpiasa rehetra ny maha zava-dehibe ny fanaovana pap-test (fizahana ny vozon’ny tranon-jaza) sy mammographie (fizahana ny nono) tamin’ny alalan’ny takelaka fanentanana. Ireo antontan-taratasy ireo dia nanazava tamin'ny an-tsipiriany ny antony maha-zava-dehibe ny fitiliana.Nandritra ny volana oktobra dia nisy ny fanaovana fitiliana ny vozon’ny tranon-jaza ho an’ny mpiasa vehivavy sy ny vadin’ny mpiasa amin’ny toerana-mpiasàna sasany, niarahana tamin’ny tobim-pahasalamana, toeram-pitsaboana ary hopitaly. Ireo mpiara-miombon'antoka ireo dia nanome ny fitaovana nilaina rehetra tamin’izany raha teo koa ireo mpitsabo voaofana ary ny laboratoara. Namaranana ny « Octobre Rose », dia niara-niasa tamin'ireo matihanina ara-pahasalamana ny orinasa Star mba hiresaka lohahevitra manokana mifandraika amin'ny fahasalaman'ny vehivavy. Anisan’ny voaresaka ny “Fandridram-piterahana sy ny loza mety hoentiny” natolotr’i Rasazy Soa, ambasadaoron’ny marika Eau Vive, sy ny “homamiadan’ny vozon’ny tranon-jaza ary ny homamiadan’ny nono” nataon’ny Dokotera Prisca Rakotonirina, gynéco-obstetricienne ao amin’ny Clinic Noa Andohatapenaka.
Pati
Legende : Liana tahaka izao ireo vehivavy mpiasan’ny orinasa Star nihaino ny fanazavan’ireo matihanina !