.jpeg)
iarahana amin’ny Africa Center for Strategic Studies (ACSS) sy solontena avy amin’ny firenena folo avy amin’ny faritra andrefan’ny Ranomasimbe Indiana i Madagasikara. Fihaonana anatin’ny 5 andro mikendry ny fandrindrana ny ady amin’ny fandikan-dalàna an-dranomasina sy ny fanamafisana ny fiaraha-miasa. Nandray anjara tamin’ny lanonam-panokafana izany ny Ambasadaoron’i Etazonia eto Madagasikara sy Kaomoro, Claire Pierangelo, ny Lefitry ny Komandy avy amin’ny AFRICOM, Ambasadaoro Robert Scott, ny Sojaben’ny ACSS, Dr. Assis Malaquias, ary ny Minisitry ny Jono sy ny Toe-karena Manga, Paubert Mahatante. Nasongadin-dRtoa Claire Pierangelo ny maha-zava-dehibe ny fandriampahalemana an-dranomasina ka niantsoany fiaraha-mientana sy fifampizarana vaovao hiarovana ny ranomasina sy ny fiarahamonina. Solontena miaramila sy sivily 50 avy amin’ny firenena folo (Kaomoro, Djibouti, Kenya, Madagasikara, Maorisy, Mozambika, Seychelles, Somalia, Afrika Atsimo ary Tanzania) no handinika paikady sy fomba hanatsarana ny fandriampahalemana an-dranomasina. Tafiditra ao anatin’ny fifanarahan’i Djibouti (Code de Conduite de Djibouti - DCoC) izany, izay mikendry hiadiana amin’ny jiolahin-tsambo sy fanafihana sambo. Hojerena ihany koa ny famolavolana rafitra iraisam-pirenena sy isam-paritra hiatrehana ireo fanamby amin’ny fandriampahalemana an-dranomasina. Hifantohan’ny fifanakalozan-kevitra ny ady amin’ny fandikan-dalàna an-dranomasina, ny fitsarana ireo heloka an-dranomasina, ary ny fiaraha-miasa amin’ny sehatra fandriampahalemana. Niaiky ireo manampahaizana sy mpandray anjara fa ny jono tsy ara-dalana sy ireo heloka eny an-dranomasina dia fanamby lehibe ho an’ny fandriampahalemana amin’ny faritra. Marihina fa ny ACSS, niorina tamin’ny taona 1999, dia ivon-toeram-pampianarana eo ambanin’ny Departemantan’ny Fiarovam-pirenena Amerikana. Mikendry ny hanamafy ny fiarovana sy ny tamberin’andraikitry ny andrim-panjakana afrikanina amin’ny alalan’ny fiofanana, fifanakalozana sy fikarohana, ka efa 50 ny Malagasy nahazo fiofanana tao.
Toky R
