.jpeg)
fanondranana sy fanafarana entana ary fadin-tseranana na «Transit et Douane» ny fiofanana ampitain-davitra na «formation à distance» momba izany, hoy ny tomponandraikitra ara-barotr’izy ireo, Andrianiaina Alida, izay sady mpampianatra haivarotra rahateo. Somary misy fiantraikany amin’ny fahafahan’ireo mpianatra manatrika ny hetsika fampahafantarana na «salon» toy itony «Salon des études universitaires et des formations» itony moa ilay mbola tsy fivalian’ny bakalorea, hoy izy. Vitsivitsy ny ankizy saingy raha ny hita tamin’ny tonga nitsidika tato kosa aloha dia betsaka ireo liana amin’izay resaka «Transit et douane» izay. Vitsy nihoatra noho ny tamin’ny taon-dasa kosa nefa, noho ny antony voalaza teo. Nofidiana ny fampiofanana ampitain-davitra satria maro ireo olona efa miasa nefa mba te hisitraka ilay fampiofanana. Mety eo amin’ilay filàna diplaoma amin’ny sehatry ny asa angamba na tahaka izany. Hita koa hoe miroborobo amin’izao fotoana izao ny sehatry ny fampitan-davitra. Nitombo be ny isan’ireo mpianatra liana amin’ny resaka fadin-tseranana satria raha nahita andiany na «vague» miisa 3 foana, isan-taona, izahay hatramin’izay dia lasa miisa 5 izany nanomboka tamin’ny herintaona. Ny «vague» iray anefa miisa 40 eo. Ny antenaina moa dia ny mbola hitomboan’izany amin’ity taona ity satria hita hoe maro ny olona liana amin’ilay sehatra satria sehatra mora ahitana asa sady tsy lalan-kasa na «débouché» ilay izy. Misy foana tsinona ny fanondranana sy fanafarana entana, hoy hatrany ny tenany.
J. Mirija
