Fanabeazana eto Antananarivo

ny fijerena ireo teboka miisa 3, izay mifantoka kokoa amin’ny ankizy sy ny fampianarana, ireo no fototry ny fifanaraham-piaraha-miasa eo amin’ny fikambanana koreanina KFHI na Korea food for hungry international sy ny kaominin’Antananarivo renivohitra na CUA, izay nosoniavin’ny 2 tonta tetsy amin’ny lapan’ny tanànan’Analakely omaly. Tetikasa izay vatsian’ny KFHI vola mitentina 100.000 Dolara, hoy ny fanazavana. Tafiditra ao anatin’izany, hoy ny fanazavan’ny filohan’ny delegasionina manokana eto Antananarivo renivohitra, Harilala Ramanantsoa, ny fijerena ireo fotodrafitrasa amin’ireo EPP tena sahirana. Ho an’ity andiany voalohany amin’ny fiaraha-miasa izay maharitra 1 taona ity dia boriboritany miisa 3 dia ny voalohany, faharoa ary fahadimy, hoy izy, no hisitraka izany. Mbola hisy, araka izany, ny andiany faharoa izay haharitra herintaona hatrany. Nanome toky izahay fa hangarahara ny fitantanana ny vola sy ny fiaraha-miasa rehetra, hoy hatrany ny PDS eto Antananarivo. Antony nifantohana tamin’ny ankizy sy ny fampianarana na fanabeazana kosa, hoy ny KFHI, dia satria ny fanabeazana no fototra nahafahana nanala an’i Korea atsimo tanaty fahantrana.
J. Mirija