mpianatra eto amintsika, na dia iray volana eo ho eo aza sisa dia hiditra ny mpianatra. Tsy misy izay tsy mikaikaika ireo mpivarotra nanaovana fanadihadiana tetsy Tsaralalana sy ny teny amin’ny Pavillon Analakely. Na ireo mpanontany aza zara raha misy fa any amin’ny sakafo avokoa no mihazakazaka ny ankamaroan’ny mpiantsena, raha araka ny fanazavan’izy ireo. Nambaran’ny mpivarotra iray fa ankoatra ny fahasahiranana hiainan’ny tokantrano Malagasy amin’izao dia saika niaka-bidy daholo ihany koa ny fitaovam-pianarana rehetra, antony tena mampiraviravy tanana ny Ray aman-dReny. Lasa vidiana 2.000 Ar mahery amin’izao ny iray amin’ny kahie 100 pejy raha mbola nahazo izany 1.500 Ar teo aloha. Lasa 1000 Ar ihany koa ny penina iray raha 500 Ar teo aloha miankina amin’ny karazany. Tsy lazaina intsony ny fiakaran’ireo karazana kojakoja ilain’ny ankizy madinika indrindra fa ho an’ireo mampiana-janaka amin’ny sekoly miteny Frantsay. Niakatra hatrany amin’ny 40% ny vidin’ireo pensily hazo miloko, ny marker….izay nambaran’ireo mpivarotra fa hatrany am-potony mihitsy. Amin’ny tapaky ny volana Aogositra ho avy izao izany hoe : amin’ity herinandro ity vao manantena ny fisokafan’ny tsena araka izany ireo mpivarotra izay hitohy hatramin’ny faran’ny volana.
Pati
Legende : Mbola tena maina ny tsenan’ny fivarotana fitaovam-pianarana eto amintsika !
