tsy afaka niatrika ny fanadinam-panjakana Bakalorea. Raha araka ny fantatra dia tsy tafiditra ao anatin’ny lisitry ny ankizy hanala fanadinana no sady tsy nahazo taratasy fiantsoana ihany koa izy ireo. Nahatsapa ho voafitaka ireo mpianatra ireo noho izany. Raha araka ny fantatra dia tompon'andraikitra iray eo anivon'ny Lisea Miadada Mandritsara no nanome toky fa tsy maintsy manao fanadinana ireo ankizy ireo. Voalaza fa efa nandoavana vola manodidina ny 60 000 Ariary sy 70 000 Ariary ary 90 000 Ariary avy amin’ny Ray aman-dReniny mantsy ireo mpiadina ireo ka takian'ireto farany ny hamerenana azy. Nilaza moa io tompon'andraikitra eo anivon'ny lisea io rehefa namaly fa nisy tokoa ny fitakiana vola saingy tsy izy no naka azy fa ny Chef de centre EPS Bakalorea tao Mandritsara izay efa lasa nody any Mahajanga. Nambarany koa teo an-danin’izat fa efa tara ny fikarakaràna ny antontan-taratasin'ireo mpianatra 3 mianadahy ireo ka izay no tsy nahatafiditra azy ireo tao anatin'ny lisitr'ireo mpanala fanadinana nanomboka omaly.
Pati
Legende : Ranomaso tahaka izao ny an’ireo Ray aman-dRenin’ny mpianatra !
