Minisiteran’ny fampianarana ambony

Fampianarana ambony sy ny fikarohana ara-tsiansa omaly 28 aogositra tamin’ny alalan’ny Sekrtera jeneraliny. Niantso ny rehetra hiaro ny rafi-pampianarana ambony izay miaina fahasarotana hatrany noho ireo olana izay nambara fa efa aman-taonany maro mivangongo. Milaza io minisitera io fa maro ny dingana efa vita sy ny olana novahana ( momba mpampianatra, momba PAT, momba mpianatra), saingy noho ny hamaroan'ny olana rehefa mivaha ny iray ,dia misosoka ny hafa. Mitaky fifampidinihana, ezaka ary fotoana, rindra firaisankina sy fifanomezan-tanana ny fanarenana izany, hoy hatrany ity fanambarana ity, izay naneho, fa manatanteraka ny adidy nankinina aminy araka izay fahafahana sy fahefana ampelan-tanana ny Ministera ary miezaka hatrany mikatsaka ny vahaolana amin'ny ambaratonga isany mikasika ireo teboka mampikatso ny tontolon'ny Fampianarana Ambony sy ny Fikarohana. “Miangavy ny Mpampianatra Mpikaroka sy Mpikaroka Mpampianatra ary ny Mpandraharaha rehetra mba hitodika amin'ireo tanora volavolaintsika ho mpitondra sy mpitantana rahampitso ireto ka hamita sy hamarana ny taom-pianarana amin'ny tokony ho izy, hoy io fanambarana io. Nambara fa efa misy ireo dingana mandroso amin'izao raha tsy hilaza fotsiny ny fankatoavana ny fahafahana mandoa ny tapany farany amin'ny tambin-karaman'ireo mpampianatra an-tselika, miroso tsikelikeiy amin'ny fandinihana ireo teboka nahazoana fitarainana sy natolotra ny filan-kevitra ihany koa ny fanjakana. Nanambara fa manameloka ny fampiasana ireo herisetra izay natao tamin'ny mpianatra izay tsy tafiditra ao anatin'ny fanatanterahana ny asa fitandroana ny filaminana ary mitaky ny tsy hiverenan'ireny intsony. Etsy andaniny dia mbola manamafy amin'ireo mpianatra hatrany ny amin'ny fanajana ireo toetra mendrika ho an'ny ambaratonga ambony. Miantso ny rehetra mba ho tony sy hiverina amin'ny filaminana hatrany fa ao anatin'izany no hisian'ny vahaolana, hoy hatrany ny ampahan’ity fanambarana ity. Asa aloha izay ho setriny sy akony fa hatreto, mbola tsy milamina ny tontolon’ny fampianarana ambony.
Toky R