Tsy maintsy mijoro ny SECES

lesona tamin’ny tantara, hoy ny Sendikan’ny mpampianatra mpikaroka sy mpikaroka mpampianatra na SECES Antananarivo. Misy koa, hoy ny filohan’izy ireo, Ny Pr Sammy Grégoire Ravelonirina, ny manentsi-tadiny tsy mihaino ny aza atao hisorohana ny mety ho krizy mialoha, mandritra, aorian’ny fifidianana. Miady an-toerana ny mpitondra fanjakana ambony. Rava ny fitondran’ny miady an-trano. Manohy hatrany ny fampiatoana ny asa fampianarana sy fikarohana eto Antananarivo, noho izany, ny SECES. Miandry hatrany ny fametrahana amin’ny toerany ny hasin’ny fampianarana ambaratonga ambony ny SECES. Ny mpitondra fanjakana no afaka mamaly izany rehetra izany. Manatanteraka fivoriambe in-droa isan-kerinandro ny SECES hanehoana fahavononana hiverina amin’ny fampianarana avy hatrany rehefa misy ny valiny azo ekena na mahafa-po avy amin’ny mpitondra fanjakana. Efa nanao ny ezaka rehetra, nanome sosokevitra hampahomby izany ny SECES. Ny finiavana avy amin’ny mpitondra fanjakana no andrasana fatratra ankehitriny. Satria ve manana oniversite tsy miankina ny mpitondra na afaka mampianatra ny zanany any ivelany dia ho potehina ny an’ny zana-bahoaka? Tsy azo ekena ny famotehana ny oniversiten’ny zana-bahoaka! Tsy maintsy mijoro ny SECES rehefa hita ny tsy fandraisan’andraikitry ny mpitondra fanjakana, hoy hatrany ny SECES Antananarivo!
J. Mirija
Légende: Ny filohan’ny SECES Antananarivo