Fandriampahalemana

Vehivavy iray 20 taona no sarona teny amoron'ny lalam-by Andrefan'ambohijanahary ny 03 janoary teo tokony ho tamin’ny 11 ora sy sasany atoandro rehefa nivarotra rongony. Raha araka ny fantatra dia ity tovovavy ity mihitsy no mpamatsy zava-mahadomelina ireo olona eny amin’iny faritra iny ka ao an-tokantranony izy no manao izany. Misy olona maromaro mifamezivezy izay andiana tovolahy ny ankamaroany no hita teny akaikin’ny tranony. Rongony 78 fonosana sy 300grama rarany kosa no sarona tao aminy. Eny Ambohimanarina no nambarany fa hakany ireo rongony ireo ary isaky ny 2 andro izy no maka izany. Tsinjarainy amin’ny fonosana izany avy eo ary hamidiny amin’ireo olona tonga ao aminy. Marihina anefa fa faritra iva ny any Andrefan’Ambohijanahary. Olona sahirana ny ankamaroan’ny mponina, antony mampahazo vahana ny fanolanana, ny fifamonoan’ny mpivady, ny herisetra eny amin’iny faritra iny.
Nangonin’i Pati
Legende : Ity ilay vehivavy sy ireo rongony namidiny