Fametrahana ny filaminana ao Toamasina

dia voafaritra fa anisan’ny mahatonga toerana maro ao Toamasina ho faritra faritra mena amin’ny tsy fandriampahalemana ny fisian’ireo andian’olona mitarika posy sy mivarotra brocanteur resaka vy. Tsy maintsy nanapa-kevitra niantso ny Raiamandreny Tandroy noho izany ny prefe sy ny avy ao amin’ny polisim-pirenena. Afak’omaly 12 martsa no nisy ny fivoriana natao tao amin'ny Lapan'ny Faritra notarihin'ireo manampahefana,izay niantsoana ireo zanak'Androy monina eto Toamasina ka nisy ny vokatra tsara azo amin’ny ezaka fametrahana ny fandriampahalemana raha ny firesak’ireo tompon’andraikitra any an-toerana.
HENTITRA
Hentitra ireo Komity mpitantana sy ireo Tanora Zanak'Androy ao Ambalabe amin'ny fametrahana ny Fandriampahalemana ao anatiny. Lehilahy iray nangalatra Kalesy avy any a Tanambao Verrerie, ka nitondra izany amidy tao Ambalabe. Namidiny 150.000 ar tao ilay kalesy. Tsy nanaiky nividy ny tao Ambalabe fa tonga dia niantso Mpitandro ny Filaminana avy hatrany. Marihana moa fa hentitra ny fepetra napetraka ho fanaraha-maso ny olona miditra sy mivoaka ao Ambalabe,ary amporisihina ny rehetra mba hisoratra anarana eny anivon'ny Fokontany.
PAIKADY MAHARITRA
Tsiahivina moa fa tany Toamasina ny Minisitry ny Filaminam-bahoaka, ny Inspecteur Général de Police Rakotoarimanana Herilala, niaraka tamin'ireo tompon'andraikitra eo anivon'ny Ministeran'ny Filaminam-bahoaka nanomboka ny 09 martsa 2025. Nojerena akaiky ireo toerana rehetra mafana amin'ny tsy fandriampahalemana mba hametrahana paik’ady maharitra sy hamongorana ireo mpanao ratsy. Nanome toromarika ny Minisitry ny Filaminam-bahoaka fa tokony hanao ny fara heriny ireo Polisy amin’ny fitandroana ny filaminana, hanamafy ny ezaka rehetra ary hanatsara hatrany ny fomba fiasa, indrindra amin’ny fifandraisana mivantana amin’ny mponina eny ifotony. Mila manampy ny mpitandro filaminana ihany koa ny vahoaka, hoy izy.Zava-dehibe ny fiaraha-miasa.
Fanja Aina