Fanafihana sy fandorana trano

distrikan'Ankazobe afak’omaly tokony ho tamin’ny 08 ora sy sasany alina. Trano fivarotana iray no norarafan'ireo dahalo lasantsy ka may tsy nisy noraisina avokoa ny entana rehetra tao anatiny izay mitentim-bidy an-tapitrisany maro. Namoy ny ainy vokatr’iany ny renim-pianakaviana iray tokony ho 50 taona, tompon’ilay tranom-barotra voatafika. Taitra tampoka noho ireo fananany lasa lavenona mantsy ity farany ka tsy tana ny ainy hoy ny vaovao. Toraka izy ary nentina teny amin’ny hopitaly saingy tsy tana ny ain-dRatompokovavy taorian’izany. Raha araka ny vaovao azo dia may tao amin’ity tranom-barotra voatafika ity ihany koa ireo moto sy bisikileta an’ny tompon-trano, fananana marobe nohariana an-taonany maro. Mbola nitohy moa ny fanarahan-dia ireo dahalo hatramin’ny omaly hariva fotoana nanoratanay. Sorena mafy ny amin’izao fanjakana mijoro izao araka izany ireo mponina ao Ankazobe. Lazan’izy ireo fa milamina hatrany mantsy ny tany nefa tena miaina anaty tsy fandriampahalemana tanteraka ny mponina.
Pati
Legende : May kila hotohoton’ny afo tahaka izao ilay tranom-barotra !