FANAPAHAN-DOHA TANY BETSINJAKA

 Ambolofotsy, Kaominina ambanivohitr’i Betsinjaka, distrikan’i Toliara II ny 27 Jolay lasa teo. Raha tsiahivina kely dia nisy fivoriam-pokonolona natao tany an-toerana tamin’io andro io. Nandritra izany no raikitra ny savorovoro ka olona iray no nisy nanapa-doha ary efa tsy nisy fofon’aina intsony no hitan’ny fianakaviany. Olona vitsivitsy no fantatra fa efa naiditra am-ponja vonjimaika vokatr’izany ka hiakatra fitsarana rahampitso. Miantso ny hampiharana ny lalana velona amin’ireo tena nahavanon-doza araka izany ny fianakavian’ny maty. Diso be loatra ny trangana tsy fandriampahalemana eto Toliara hoy izy ireo ka anisan’izany ny halatra zaza varira, ny halatra voamaso, ny hala-jaza….Tsy misy hita avokoa anefa hoy izy ireo ny marina mikasika ireny tranga ireny fa manjavona eny am-panidinana avokoa. Nantsoin’izy ireo hatramin’ny Filoham-pirenena moa nandritra ny tafa nifanaovany tamin’ny mpanao gazety tany an-toerana mba hijery akaiky ity tranga fanapahana lohan’olona tany Betsinjaka Toliara ity. Toraka izany koa ny Solombavambahoaka voafidy any an-toerana indrindra fa ireo mpitsara mpampihatra ny lalana ao amin’ny tribonaly ao Toliara.
Pati
Legende : Leo ny tsy fandriampahalemana eto Toliara ny ankamaroan’ny mponina !