airtel

Fandriampahalemana

19-mars-2025

Fiarahamonina feno herisetra

Efa nilazaozan’ny fanahy tsara ve ny Malagasy

Sample post image

Tena miaina anaty fiarahamonina feno herisetra ny ankamaroan’ny Malagasy ankehitriny.

19-mars-2025

Hita taratra eny anivon’ny fiaraha-monina eny izany isan’andro toy ny fifamonoan’ny samy mpivady na mpifankatia. Ny fanolanana, ny asa fanendahana miaro fikasihan-tanana, ny fikapohana na fampijaliana ny zaza hataon’ny Ray na Renikely na fianakaviana akaiky… Amin’ny ankapobeny raha araka ny fanadihadiana natao dia noho ny fahantrana diso mihanaka loatra no antony mahatonga izany. Eo ihany koa ny fiparitahan’ny zava-mahadomelina etsy sy eroa izay tena tsy voafehy intsony ho an’ny tanora. Raha tsiahivina tokoa mantsy dia ny 70%-n’ireo tanora manerana ny faritra 22 no tsy an’asa eto amintsika na nahavita fianarana na tsia. Ankoatra ireo manao asa tsy manara-penitra vokatr’izany dia tsy vitsy ireo lasa manaotao foana. Ireo lehilahy no tena voasariky ny asa fanaovan-dratsy amin’ny ankapobeny miaraka amin’ny namany raha mivaro-tena kosa ny vehivavy. Niala na nisitaka ao anatin’ny Malagasy mihitsy vokatr’ireo tranga misy ireo ny fanahy tsara ao anatiny. Very tanteraka ilay fihavanana sy fanomezana hasina ny aina hany ka mifambotry sy mifandripaka sisa. Zary lasa resabe sisa ilay hoe : Aleo very tsikalakalam-bola toy izay very tsikalakalam-pivavahana. Ny vola aloha izay vao fihavanana na dia handratrana sy hamoana ain’olona aza, hita taratra amin’ireo vono olona mahatsiravina etsy sy eroa saika hita manerana ny Nosy.
Pati
Legende : Mihatra hatrany amin’ny ankizy io herisetra mirongatra eny anivon’ny fiaraha-monina io !

 

Dans la même rubrique

26-mars-2025

Mirongatra ny mpisoloky noho ny hasarotan’ny fiainana.

Card image cap
26-mars-2025

Ahitam-bokany hatrany ny hetsika bemidina hataon’ny Polisim-pirenena

Card image cap
24-mars-2025

Hentitra ny mpandraharahan’ny fonja amin’ny alalan’ny Sendika SPAPM

Card image cap
24-mars-2025

Hitanay ireny antsoantsonareo ireny, hoy ny borigadin’ny zandarimariam-pirenena ao

Card image cap
24-mars-2025

Lavon’ny balan’ny USI ny jiolahy rain-dahiny iray mpampihorohoro ny mponina

Card image cap