Halatra moto, fisolokiana, filalaovana ody ratsy

voalaza fa mpisoloky sy efa mpamerin-keloka, mpamaky trano sy mpanao ody mahery. Efa ela nokarohina noho ny raharaha vaky trano, halatra moto, fisolokiana isan-karazany, saingy io omaly 05 septambra io tokony ho tamin’ny 8ora maraina vao sarona. Nomen'ny fitsarana alalana ny zandary hisava ny tranony ka nandritra izany no nahitana ireo fitaovana samihafa fampiasany amin’ny fanaovana asa ratsy. Sarona tao avokoa ny ody gasy ratsy ampiasaina hampatoriana ireo olona idirana, ody mahery miaro azy tsy ho laitran'ny zava-maranitra, kara-panondro sandoka, taratasina moto maro be, boky testamenta vaovao miisa 4 izay mbola baraingo hoe atao inona ?. Tsy lavitra ny tranony, anaty fasana izay efa tsy misy razana intsony dia nahitana moto efa noravaina, raha ny tatitry ny zandary hatrany. Misokatra ny fanadihadiana an'ity lehilahy mpamerin-keloka ity, hoy hatrany ny mpitandro ny filaminana.
Toky R