airtel

Fandriampahalemana

18-mars-2025

HERISETRA, FISOLOKIANA, HALA-BOTRY

Mirongatra, manaporofo ny fahantran’ny Malagasy

Sample post image

Mirongatra ny asa fisolokiana sy ny herisetra ary ny fanaovana hala-botry eto amintsika.

18-mars-2025

Tsy misy izay tsy ahitana izany manerana ny faritra 23 na an-tanan-dehibe na ambanivolo. Ho an’ny asa fanendahana manokana dia tonga hatrany amin’ny fanalana ny ain’ny mpiara-belona mihitsy izany mba hahazoana izay fananana kely eny aminy toy ny vola sy ny finday. Ny an’ny sasany indray ny vilany sy ny sceau ary ny lamba miahy eny amin’ny tady no haripany ao an-tanana havadika ho vola hividianana vary sy laoka. Fa tsy latsa-danja amin’ireo ny fisolokiana izay tena mahazo vahana tokoa. Vao tsy ela akory izay no nisy mpivarotra saribao voafitaka niaraka tamin’ilay zazalahy kely mpibata azy fa nosolokian’ny olona. Porofon’ny fahantrana mihoampampana hiainan-dRamalagasy avokoa izany rehetra izany. Diso be loatra ireo tsy an’asa, indrindra fa ny tanora. Manampy trotraka izany ny hasarotan’ny fiainana izay mampanaotao foana ny ankamaroan’ny olona. Tsy ampy hiainana isan’andro intsony ny lela-vola 10.000 Ar ho an’olona 3 mianaka hany ka maniraka ny sasany hangalatra mihitsy izany mba hihinanan’ireo vady aman-janany sy handoavana trosan’olona. Ny fanjakana anefa etsy an-daniny tsy hita izay vahaolana raisiny. Variana miady hevitra ambony latabatra fotsiny ny ankamaroany fa tsy mahita ny fahoriana hiainan’ny Malagasy isan’andro. Ny fonja no lasa mihafeno vokatr’izany rehetra izany.
Pati
Legende : Tena sahirana ny ankamaroan’ny Malagasy hany ka lasa mangalatra sy manaotao foana tahaka izao !

 

Dans la même rubrique

26-mars-2025

Mirongatra ny mpisoloky noho ny hasarotan’ny fiainana.

Card image cap
26-mars-2025

Ahitam-bokany hatrany ny hetsika bemidina hataon’ny Polisim-pirenena

Card image cap
24-mars-2025

Hentitra ny mpandraharahan’ny fonja amin’ny alalan’ny Sendika SPAPM

Card image cap
24-mars-2025

Hitanay ireny antsoantsonareo ireny, hoy ny borigadin’ny zandarimariam-pirenena ao

Card image cap
24-mars-2025

Lavon’ny balan’ny USI ny jiolahy rain-dahiny iray mpampihorohoro ny mponina

Card image cap