MORONDAVA

Renim-pianakaviana iray no voatifitra nandritra ny fanafihan-dahalo tao Antsiraraka kartie faharoa afak’omaly Alarobia alina nifoha omaly Alakamisy tokony ho tamin'ny 11 ora.Omby moa no saika halain' ireo tsy mataho-tody kinanjo izao nitifitr'olona izao izy ireo rehefa tsy nahita izany. Efa nahazo fitsaboana ao amin'ny hopitaly Betelan’i Morondava ilay renim-pianakaviana. Fanafihan-dahalo hafa ihany koa no nitranga tao Antsiraraka kartie fahadimy tamin'io afak’omaly alina io ihany izay nahafatesana tompon'omby iray.Tafavoakan'ny vala ireo omby saingy niparitaka ka tsy voafehin'ireo dahalo. Vaky nandositra ireto farany noho izany rehefa nanao antso vonjy ny fokonolona. Miantso ny amin’ny tokony hijeren’ny fanjakana ny fandriampahalemana any an-toerana noho izany ireo mponina fa efa tena mihatra aman’aina hatrany izy ity.
Pati
Legende : Ity ilay Renim-pianakaviana lasibatra !