Fandriampahalemana

Efa tafakatra 20.000 Ar mantsy ny iray kilao amin’ny trondro amin’izao eny an-tsena izay tena volabe haingana tokoa ho an’ireo miompy azy. Tsy vitsy ireo mitily dobon’olona azo hangalarana fotsiny noho izany toy ny nitranga teny Andranosoa, Ambohimalaza 15 jolay lasa teo. Dobo miisa 8 no indray novakian’ireo tovolahy miisa roa an-tsokosoko ka nahazoany trondro milanja 40 kg. Raha vantany vao nahare izany anefa ny tovolahy iray hafa namany dia tonga nitondra vola 105.000 Ar ho famotsorana ireo mpangalatra ireo ka notazonina niaraka tamin'ny vola nentiny. Niakatra fitsarana omaly moa ny raharaha ka niaraka naiditra am-ponja vonjimaika avokoa izy ireo.
Nangonin’i Pati