Trafika sy varotra zava-mahadomelina

vaika antsoina hoe haschisch no tratra tao Djamanjary Nosy Be ny herinandro teo, araka ny tatitry ofisialin'ny mpitandro ny filaminana. Miisa 7 izy ka teratany Malagasy ny 6 ary teratany Maorisianina kosa ny iray izay vehivavy sambotra taman'izay. Zava-mahadomelina mahery vaika sy anisan'ny lafo satria 4 000 hatramin'ny 4 500 Euros no hividianana azy 01 kilao, ary lafo 60.000 hatramin'ny 90 000Ar no hivarotana ny iray Gramme (1g) ao Nosy Be araka ny vaovao azo. 3kg sasany teo anefa no tratra. Mitohy hatrany ny ezaka ataon'ireo mpitandro ny filaminana amin'ny ady sy fisoroana ary fandravana ireo tambazotra, fa indrindra ny fandikan-dalana izay manimba fiarahamonina ary ady amin'ny fiparitahan'ireo zava-mahadomelina satria anisany mamotiky ireo tanora, hoy Chef d'escadron RACHID Amad Zakaria, Commandant de compagnie territoriale de la gendarmerie nationale de Nosy Be. Tsy sasatra manentana vahoaka ireo mpitandro ny filaminana mba hanome vaovao marina sy ara-potoana mba afahana manambotra ireo mpanao asa ratsy. Manao ranolava ny fisiana fahatrarana zava-mahadomelina mahery vaika satria vao tsy ampy iray volana ihany koa izay no nisian'ny vahatratrana zava-mahadomelina mahery vaika mitenati-bidy 15 miliara Ar. Miharihary hatrany ihany koa ilay fanasokajiana fa isan'ny "plaque tournante" na ivo lehibe hihodonan'ny trafikana drogy i Madagasikara. I Nosy Be manokana, ankoatry ny toerana ara-pizahantany manintona vahiny, dia betsaka ihany koa ny endrika trafika mety hitranga ary betsaka no niseho: voalamena, zava-mahadomelina, eny fa hatramin'ny fiondranana an-tsokosokon'ny olombelona.
Toky R