Zanaka mpivarotra eo Soamanatombo

hoy ny seraseran’ny Zandarimaria na CIRGN Antananarivo ny sabotsy teo. Mahery no anaran’ilay zaza, raha ny fampitam-baovaon’izy ireo ary 6 volana monja. Nentin'i Nekena, 10 taona eo ho eo. Mpivarotra eo Soamanatombo ny renin'i Mahery ary ity zaza antsoina hoe Nekena ity dia mpandeha eo amin'izy ireo efa ela ka natokisana hitrotrotrotro an'i Mahery kanjo izao tsy hita niaraka amin'ny zaza izao. Tsy fantatra kosa anefa ny misy an'i Nekena sy izay ray aman-dreniny fa zaza eo an-tsena fotsiny no fahalalana azy. Ianareo izay mitazona an'i Mahery, atero ny zanak'olona fa mampalahelo ny reniny. Izay mahita na mahafantatra vaovao momba azy dia aza misalasala mampandre ny manam-pahefana akaiky indrindra anareo na hiantso ny 0385071727 na 0334823127. Aza latsaina izy fa ampio hitady azy izahay, hoy hatrany ny CIRGN Antananarivo.
J. Mirija